“Ma'am Glenda, huminahon ho kayo at huwag basta magsasalita ng tapos. Ako na ang humihingi ng tawad para sa mga alaga namin lalo na sa nagawa sayo nitong si Neneng. Bukod ho kasi sa mga matatanda ay kumukupkop din kami ng mga buntis na babae na ayaw ipaalam ang pagbubuntis nila. At isa si Neneng sa mga babaeng yon. Sa kasamaang palad ay nakunan si Neneng na naging sanhi kaya siya nawawala sa kanyang sarili.” Ang paliwanag ng direktor sa galit na galit na si Glenda.
“Wala akong pakialam! Nakikita mo ba ang itsura ko? Buong buhay ko ay ngayon lang ako nagmukhang ganito kaya isinusumpa ko ang lugar na ito! Hinding-hindi na ako babalik at hinding-hindi ko na pag-aaksayahan pa ng pera! Kaya huwag na huwag na kayong aasa na makakatanggap ng kahit isang kusing sa amin ng Papa ko!” sigaw na naman
