Matapos manggaling sa kwarto ng anak na si Angel para samahan ito hanggang sa pagtulog ay dumiretso na si Maritoni sa kwarto nilang mag-asawa. Nakasanayan na rin ng anak ang presensya niya sa pagtulog nito sa gabi kaya wala na siyang naririnig na pagtutol pa mula rito.
Napansin niya ang sambakol na mukha ni Kyle nang makapasok siya sa loob. Sinulyapan lang siya nito saglit at muli nang itinuon ang paningin sa TV. Mula nang bumalik sila sa restaurant galing sa airport ay bigla na namang nagbago ang mood nito hanggang sa makauwi sila. Tumabi siya dito sa kama at yumakap sa asawa ngunit hindi ito natinag mukhang masyadong nakatuon ang atensyon nito sa pinapanood.
" Babe, hindi ka pa ba nagsasawang panoorin iyang teleserye na iyan? Ilang taon na iyang nakaere halos iyon at iyon pa rin
