HINDI kaagad nakapagsalita si Kyle, tinatantya niya kung seryoso ba si Maritoni sa tinuran nito.
" Hoy? Narinig mo ba ako? Sabi ko, papayag na ko na magpakasal ulit sa'yo!" untag ni Maritoni habang kunot-noong nakatitig sa kaniya.
Hindi niya maintindihan ang nararamdaman ng mga oras na iyon, gumaan ang kaninang mabigat na pakiramdam niya. Hindi kasi naging maganda ang gising niya dahil sariwa pa sa kaniya ang nangyari kagabi. Mula sa pagtanggi sa kaniya nito magpakasal, ang ginawang pagtakas ng anak at dumagdag pa ang paghingi nito ng tulong kay Troy. Lumalabas kasi na mas nagtitiwala pa ito sa lalaki kaysa sa kaniya. Isa pa, wala rin namang nagawang tulong si Troy para mahanap ang anak nagpagulo lang din ito sa sitwasyon. Pakiramdam niya ay gusto niyang sumayaw nang mga oras na iyon
