Kabanata 32
NAGPUNTA silang lahat sa site pagkatapos nila kumain ng agahan. Hindi na naging mahirap ang pagpunta nila roon dahil maaraw na at wala ng ulan na nagbabadya na dumating pa.
Maganda ang kinuhang lugar para sa susunod na branch ng Guevarra. Hindi naman nagduda si Kenna roon dahil alam niya na si Greyson iyong tipo ng tao na napakametikulosa sa bawat bagay na ginagawa. He’s also dedicated on his work and it’s one of the reasons why she fell inlove with someone like him. Mabuti nga at hindi nagbago ang katangian niyang ‘yon sa nakalipas na dalawang taon na hiwalay silang dalawa.
Malapit lang sa dagat ang kinuhang location ni Greyson para pagtayuan ng susunod na branch. Elevated din ang lugar kaya hindi babahain kung sakaling lumakas ang ulan dahil sa pabago-bagong klima sa Sau
