Zhea
Kinabukasan ay pasmado ang aking kamay na nagsusuot ng aking damit pangkasal. Kaya naman pala hindi mapakali noon si Krysta dahil ganito naman pala ang pakiramdam ng ikakasal. Hindi ko maintindihan kung iiyak ba ako, tatawa ako o iiyak ako dahil sa sobrang kaba na aking nararamdaman. Pagkatapos kong magsuot ng aking wedding gown ay nagtawag na ang wedding organizer namin na kailangan na naming pumunta. Huminga ako ng malalim ng ilang beses na nakaharap sa salamin saka binuhat ang laylayan ng mahaba kong wedding gown at lumabas na. Dahil wala naman na akong mga magulang ay kasama ko sa loob ng bridal car ko si Ms. Thorn at ang kanyang asawa na si Sir Jorge.
“Grabe sino’ng mag-aakala na maghahatid ako ulit ng isang maiden sa kasal?” Napangiti si Ms. Thorn sa akin at pinisil ang
