Zhea
Pagkatapos ng mga kaganapan sa aming kasal ni Kysler ay agad kaming pina-diretso ng mga kapulisan sa hospital upang ipagamot. Agad naman kaming linapatan ng paunang lunas at agad din kaming pinauwi dahil hindi naman ganoon ka-grabe ang mga natamo naming sugat. Gusto ko pa sanang bumalik sa simbahan upang kumustahin ang mga dumalong tao sa aming kasal pero sinabi sa akin ni Kysler na magpahinga na lang muna kami dahil makasasama raw ito sa akin. Ayoko sanang umuwi pero mapilit si Kysler kaya sa huli ay umuwi na lang muna kami.
Kinabukasan ay muntik nang mailabas sa news at radyo ang nangyari sa kasal namin ni Kysler pero buti na lang ay isa si Kysler sa mga nagmamay-ari ng pinaka-malaking channel kaya napakiusapan niya ang iba na huwag na lang itong ilabas. Nagpasalamat naman a
