Makalipas ang limang taon. Bumalik na ang pangalan ni Theros Almeda sa larangan ng negosyo. Pitong bansa ang kanyang sinusuplayan ng tuna at ibang-ibang lamang dagat. Nakilala din ang Almeda shipping lines. Pati ang malaking resort niya ay punuan lagi ito dahil sa magandang tanawin at serbisyo ng mga tauhan niya. Halos buong Isla ay sinasamba siya dahil sa pagbago niya sa pamumuhay ng mga tao doon. Halos lahat ng bahay sa Isla ay sementado at ang bubong ay gawa na sa yero. Napaganda niya ito ng husto sa tulong ng mga kaibigan at mamayan ng Isla na siyang nagpayaman ng husto sa kanya.
"Daddy, pupunta ka ba sa palengke. Gusto ko tumulong kay Mang Robert doon," nakangiting tanong ni Theo. Walong taon palang ito ngunit laging napagkakamalang 12 years old dahil sa taglay nitong pangangatawan.
