Panay ang lingon ni Isla kay Alpheus. Lalo na at kitang-kita niya ang paggalawan ng mga muscles nito sa braso. Ang mga kamay nito ay mahigpit na nakahawak sa manibela. Ano ba ang nangyayari rito? Tahimik din ito at panay ang buntong-hininga.
“Alpheus, saan mo ba ako dadalhin? Kabado ka naman yata masyado. Kailangan ko na rin bang kabahan?” She was trying to break the tension. But he wouldn’t even smile. Mukhang malalim talaga ang iniisip nito.
Huminto ang sasakyan sa tapat ng Gaston hotel. “Stay here for a second,” anito. Nauna itong bumaba. Sinalubong ito ni Wolf Gaston na siyang may-ari ng naturang hotel. Ito mismo ang nag-abot ng keycard sa binata. Napadikit siya sa backrest ng upuan nang ituro siya ni Alpheus at dumako sa kanya ang tingin ni Wolf Gaston. Ngumiti ang huli at may sinab
