“Nang ipagbuntis ka ng iyong ina, walang sapat na pera ang papa mo pantustos sa iyong pangangailangan. He was just a struggling songwriter in a local band. Kaya ng imbitahan siya ng kakilalang magtrabaho bilang manunulat ng kanta sa ibang bansa ay pumayag agad siya…” panimula ni Sigmundina at patuloy na nagkuwento...
“Huwag ka nang umalis, Ireneo, dito ka na lang. Pagtulungan nating tustusan ang pangangailangan ng magiging anak natin,” sumamo ni Felisa.
Malungkot na umiling si Ireneo at tumingin sa mga mata ng asawa. Mahirap ang naging buhay niya at ayaw niyang iyon din ang pagdaanan ng kanyang anak. May talento siya sa pagsusulat at iyon ang magiging sandata niya sa pagkamit ng mas maginhawang buhay.
Hinawakan ni Ireneo sa magkabilang balikat ang asawa. “Pagkatiwalaan mo ako, Felisa.
