Kasalukuyan kong nililinis ang sala ng hotel room namin dahil ang daming kalat, nakakahiya naman kung ang simpleng pagpulot ng mga basura ay ipapaubaya ko pa sa mga naglilinis ng hotel.
Isa pa ay wala naman akong ginagawa. Halos 6:30 na ako nagising, mabuti na lamang at nabasa ko ang iniwang sulat ni Sky kaya hindi na ako nagtaka kung nasaan siya.
Naupo ako sa sofa matapos itapon ang mga kalat sa basurahan, binuksan ko ang tv upang manood habang sinusuklay ang medyo basa ko pang buhok. Hindi pa naman ako nagugutom kaya hindi na ako nagpadeliver ng pagkain.
Siguro ay aayain ko na lang si Sky na lumabas mamaya pag dating niya. Abala ako sa panonood ng mga netflix series ng biglang may sunod sunod na nag doorbell. Agad akong tumayo at binuksan ang pinto.
Bumungad sa akin ang anak ko na ma
