Family day ngayon sa school nila Cloud kaya sabay kaming pupunta ng school niya. Maaga pa lang ay inayos ko na ang susuotin ni Sky para sa pagpasok ng opisina niya, natutulog pa kasi siya at ang hirap gisingin, kanina ko pa ginigising pero nagmamaktol lang kaya hinayaan ko na muna tutal ay hindi naman siya mapapagalitan dahil siya ang boss.
Kung mauuna man kaming umalis ni Cloud ay nakaayos na ang mga gagamitin niya mamaya sa pagpasok ng opisina. Pinagpag ko ang polo shirt na susuotin niya at sinampay iyon sa tabi ng cabinet. Pati ang black shoes na kakatapos ko lang linisin ay nakaayos na.
Umupo muna ako sa gilid ng kama namin ng mai-ayos ko na lahat ng gagamitin ni Sky at pinakatitigan ang mister ko na himbing pa din sa pagkakatulog. Masuyo kong hinaplos ang buhok niya at hinalikan siy
