LUNA
“Handa ka na ba?” Tanong ko sa kanya. Nandito na kami sa tapat ng mansyon nila. Gabi na kami nakarating at siguradong andito na din si Senator. Wala naman akong nabalitaan kay Sol kanina nang buksan ko ang phone ko. Mukhang walang nangyaring gulo kahit hindi sumipot si Forrest sa wedding nila ni Olivia.
“Sigurado ka na bang ibabalik mo ako sa kanila? Magtanan na kaya tayo?” Pagdadalawang isip niya.
“Ano tayo? Teenager? Huwag kang mag-alala andito naman ako eh.” Paninigurado ko sa kanya. Kinakabahan ako pero hindi para sa aking sarili. Kundi sa kahihinatnan ng pag-kidnap ko sa kanya.
“Let’s go.”
Nauna akong bumaba sa kotse pagkatapos ay sumunod siya sa akin. Parang ayaw pa niyang ihakbang ang kanyang mga paa kung hindi ko lang siya pinilit. Kailangan niyang harapin ang problema
