LUNA
Pagkatapos ng naging pag-uusap namin ni Forrest ay nagpunta na ako sa guard quarters. May tig-iisa naman kaming tulugan at hiwalay din ang babae sa lalaki. Nasalubong ko pa si Sir James na bihis na.
“Luna.” Pigil niya sa akin nang akmang lalagpasan ko sana siya at hindi papansinin.
“Sorry sa sinabi ko kanina. Hindi na ako makikialam pa sa inyo. Sana lang ay hindi ka nagkamali ng desisyon.” Ani niya sa akin. Bahagya akong ngumiti sa kanya.
“Salamat, pero kung nagkamali man ako. Mas nanaisin kong ako ang maka-alam noon.”
Pagkatapos kong sabihin yun ay tinalikuran ko na siya at nagpatuloy ako sa paglakad. Kumain muna ako at pagkatapos ay naligo at nagbihis ng black pants, white sando at black na cardigan. Itinali ko pataas ang aking buhok at naglagay lang ako ng kaunting pulbos
