Chapter 43
It’s Too Late
Nanginginig ang mga kamay at nagmamadaling dina-dial ng butler ni Law ang telepono. Duguan ang kanyang ulo pati na rin ang kanyang braso dahil sa ginawang paghagis sa kanya ni Law. Para siyang isang manikang itinilapon sa ere dahil sa sobrang lakas nito. Kasalukuyan siyang nagtatago sa ilalim ng lamesa habang panay ang dial sa telepono.
“Please...please, Sir. Answer the phone!” bulong niya sa kanyang sarili.
Napapikit na lamang siya ng mariin nang makarinig siya ng malakas na pagsabog at maya-maya lang ay nagkaroon ng nakakabinging katahimikan. Ilang beses siyang bumuntong-hininga para pakalmahin ang kanyang sarili. Dahan-dahan siyang umalis sa ilalim ng lamesa dahil mukhang umalis na si Law. Hindi niya maipagkakailang natakot siya sa kinahinatnan ni Law. Bumal
