Chapter 50
End This War
Nakatayo sa malawak na lupain si Savannah kasama sina Warren, Blade, Jinnah, Irrah, Archer Brothers at ang magkapatid na Benedicto. Tinatangay ng malakas na hangin ang kanyang mahaba at kulot na buhok. Pumikit siya nang mariin at nagpakawala ng marahas na hininga. Ito na ang araw na ayaw niyang mangyari – ang araw kung kailan makakalaban niya ang lalakeng pinakamamahal niya. Ngunit sa laban na mangyayari, sisiguraduhin niyang iyon na ang huli.
Tinapik ni Jinnah ang kanyang balikat. Kahit walang salitang lumabas mula sa kanilang mga bibig ay ramdam nila ang isa’t-isa. Lahat sila ay nakakaramdam ng pinaghalong kaba at pagkasabiksa mangyayari. Alam nilang kakaunti sila ngunit malakas ang tiwala nila sa kanilang sarili at nagkakaroon sila ng pag-asa dahil kay Savanna
