Chapter 52-Caught
[Orion Hale De Castro] Nakabalik na si Farrah pero wala akong nagawa kundi sundin ang gusto ni Hunter: ang hindi kami umalis dito. Hindi ko siya kinausap noong gabing 'yon at tahimik lang din kami na kumain nang magkasama sa iisang mesa. "Bakit ang tahimik n'yo?" kunot-noong tanong ni Farrah habang salitan ang tingin sa akin at kay Hunter. "Nag-aaway kayo?" Nang itanong niya iyon ay nagkatinginan kaming dalawa ni Hunter. Nang magtama ang mga mata namin ay ako kaagad ang umiwas ng tingin para iparamdam sa kaniya na galit ako. Tumikhim si Farrah at tinapunan ako ng nang-aasar na tingin. "Mukhang may LQ dito, ah." "Sorry. Wala na akong gana," sabi ko at kaagad na tumayo. "Magpapahinga na ako sa kwarto—" "Ihahatid kita," sabad ni Hunter na tumayo rin kaagad pero inilingan ko siya. "Hi
- Writer
