CHAPTER 65
“’WAG ka ng magtampo, hindi naman ibig sabihin nito na hindi na tayo magkikita pa ulit.” Natatawang sambit ni Kaijin sa akin kaya nag-angat ako sa kaniya ng naiinis na tingin.
Ang sama talaga ng kutob ko rito. Nakikita ko pa lang kung gaano karami ang mga kasama niyang tauhan pasakay ng private jet na sasakyan nila ay hindi ko na maiwasang kabahan, bukod doon ay marami rin silang mga armas na bitbit.
“Hindi naman ako nagtatampo, at kahit hindi na tayo magkita ulit ay ayos lang sa ‘kin.” Suplada ang ekspresyon na tinitigan ko siya bago inirapan at pinagkrus ang mga braso sa dibdib.
Ilang segundo niya akong tinitigan sa mga mata bago kami sabay na natawa sa isa’t-isa.
“Naalala mo pa ang eksaktong mga salita na sinabi ko sa ‘yo bago ako umalis.” Manghang sabi ko, inaalala ang
