CHAPTER 58
WALA SA sariling naglakad ako palabas sa building na pagmamay-ari ni Kaijin, puno ng pag-aalala ang dibdib ko patungkol sa kaniya dahil hanggang ngayong lumubog na ang araw ay wala pa rin ito kaya napagdesisyunan kong hintayin sila.
Pero puno rin ng mga katanungan ang isipan ko ngayon, napakaraming tanong...
Nakita ko ro’n si Mr. Marapulo, Gretta Naire at iba pang mahahalagang miyembro ng Deuterium Cartel. Lahat sila walang kalaban-laban na nakatali sa kinauupuan habang may mga busal ang bibig at tinatanggal lang kung pipilitin magsalita ng mga nagbabantay sa kanila patungkol sa gusto nilang malaman sa mga ito.
Si Gretta Naire na akala ko namatay sa pagsabog.
Si Mr. Marapulo na akala ko iniwan lang namin nang matiwasay sa Basement Area ng grand casino matapos ang transaksyo
