"DOC, kumusta ang anak ko?"
Kasama ang mga doctor maging ang mga pulis ay naroon sila sa labas ng silid ni Kira. Binigyan ng pampatulog ang dalaga para kumalma dahil wala itong tigil sa kakaiyak na para bang takot na takot.
"Huwag kayong mag-aalala, Misis. Hindi po na-r*pe ang anak ninyo," sagot ng doctor.
Lahat sila ay nakahinga ng maluwag. Iyon ang unang kinatakutan ni Kian. Kaya ganoon na lamang gumaan ang kanyang dibdib sa narinig.
"But there's an attempt. She's still in a state of shock. Ang mga pasa at sugat sa mukha, braso at binti niya ay senyales na tila may nagpuwersa sa kanya. Sa ngayon ay hayaan na muna natin siyang makatulog at makapagpahinga. What happened might cause her a big trauma, mas makakabuti na lumapit tayo sa isang professional para matulungan ang anak ninyo."
