"HAVE you thought about it?" tanong ni Seb sa kanya.
Napaangat siya ng tingin mula sa screen ng laptop. Naroon sila sa kasalukuyan sa conference room. Katatapos lang ng kanilang meeting at pina-finalize na lang niya ang mga napag-usapan kanina.
"Huh?" maang niyang sagot.
"Iyong job offer sa Singapore."
Natigilan si Kira pagkatapos ay agad bumawi ng tingin.
"Hindi pa."
"Hindi sa pine-pressure kita, Kira. But we need your answer as soon as possible, para kung papayag ka, maaayos na ng company ang papeles mo. Hindi mo kailangan mag-alala sa lahat. Free accommodation ka doon. Free use ng company car, o kung ano pa ang kailangan mo."
Bumuntong-hininga si Kira. "Hindi ko alam, Seb. Part of me wants to say yes, dahil alam ko maganda ang magiging epekto nito sa career ko. But part of me doe
