"KIAN... Dela Cruz... Dela Cruz... nasaan na?" kinakabahan na tanong ni Kian habang isa-isa nilang tinitingnan ang mga pangalan ng mga nakapasa sa Physician Licensure Exam.
Napatingin si Kira sa nobyo nang mapansin na lumaglag ang balikat nito matapos hindi makita ang pangalan nito. Nagkatinginan sila ng mga magulang nito. Sadya silang umuwi sa Laguna para sabay-sabay nilang alamin kung nakapasa ito sa board.
"It's okay, son! You can take the board again," pag-aalo ni George sa anak.
Mayamaya ay narinig na lang ni Kira na humihikbi ito. Nahabag ang kanyang damdamin para kay Kian. Naging saksi siya kung paano nito binuhos ang oras at atensiyon sa pare-review. Halos wala itong maayos na tulog. Hindi biro ang pressure at stress na pinagdaanan nito. Dumating pa nga sa punto na naging masung
