PAGPASOK ni Kira sa loob ng Emergency Room ay agad gumala ang tingin niya sa paligid. Hindi gaya ng palaging nadadatnan kapag dumadaan doon na maraming pasyente. Ngayon ay kokonti ang mga tao.
"Ay, Ma'am Kira!" tawag sa kanya ng isang nurse.
"Uy, hi!" magiliw na bati niya dito.
Lumapit ito sa kanya. "Si Doc Kian, busy ba?" tanong niya.
"Ay hindi po, medyo relax ngayon dito sa ER. Nandoon siya sa dulo, sa pantry," sagot nito.
"Puwede ko bang puntahan?"
"Ay oo naman po, sige lang."
Pumunta si Kira sa dulo ng ER kung saan siya tinuro ng nurse. Dahan-dahan siyang sumilip sa isang silid at nakita na nakaupo ito sa isang mesa habang kausap si Han at iba pang doctor. Napangiti si Kira nang makita na nakasuot ito ng kulay asul na scrub suit at nakasuot ng kulay puti na lab gown, nasa bulsa
