Kabanata 40
K I M
“Saan ka pupunta?” Agad niyang nahawakan ang baywang ko bago ako tuluyang makapasok sa loob ng sasakyan ko. “May kasunduan tayo kaya hindi mo ako pwedeng takasan,” aniya sa seryoso at mariing paraan.
Bumilis ang t***k ng puso ko nang mapuna ang lapit namin sa isat-isa. Sa huli, bumuntong hininga ako at pumayag na lang sa gusto niyang mangyari. Kaya sa sumunod na araw ay wala akong nagawa kundi ang ihanap ulit siya ng bagong makaka-date.
May nahanap naman agad ako. Sinugurado ko talaga na hindi na tulad ng naunang babae ang sumunod. Pumili talaga ako ng mukhang disente at simple lang na babae. Ibang-iba doon sa nauna. Iyon nga lang masyado namang mahiyain itong pangalawa kong napili. Kahit nasa kabilang lamesa na ako ay ramdam ko pa din ang kaba ng babaeng ka-date ni
