Kabanata 41
K I M
Ang lakas ng kabog ng dibdib ko habang hinahanap ko ang sasakyan niya. Ilang araw o linggo din kaming hindi nagkita kaya hindi ko tuloy mapigilan ang nagwawala kong puso. Alam kong dapat ay magalit ako sa kanya dahil sa ginawa niyang panununtok kay Tom, pero imbes na galit ang maramdaman ko sa mga oras na iyon ay mas nangibabaw pa ang kasabikan. Pagkasabik na may halong kaba. Hindi matigil sa mabilis na pagtahip ang puso ko.
Para tuloy akong tumakbo sa lakas ng hingal ko. Bumuntong hininga ako nang sa wakas ay matagpuan ko din ang sasakyan ni Ethan. Agad na bumukas ang pinto ng front seat pagkalapit ko. Walang pagdadalawang isip na pumasok ako sa sasakyan niya. Bumungad sa akin ang madilim na ekspresyon ng kanyang mukha. Mabuti na lang at sanay na akong magtago ng tot
