Kabanata 10
K I M
Naging busy kaming lahat sa sumunod na lingo. May malaking project kaming pinaghahandaan. Hindi na tuloy kami nakakalabas pagkatapos ng trabaho dahil pare-pareho kaming pagod at mas pinipiling magpahinga na lang. Hindi naman na inungkat ng mga kasamahan ko ang nangyari noong gabing iyon sa party ni Ms. Dana. Siguro dahil sa sobrang busy namin ay nawala na agad iyon sa kanilang isipan. Kahit si Jade ay hindi na rin naman nanukso tungkol doon. Hindi na kami ulit nagkita ni Tom pero madalas siyang mag-text at tumawag sa akin. Wala lang talaga akong oras na makipagkita sa kanya sa sobrang daming ginagawa sa office. Kaya naman nang sa wakas ay makaluwag-luwag kami sa trabaho ay agad na nag-aya si Jade na uminom. Go naman agad ang mga kasamahan namin. Ang mga iyon pa ba? Hind
