“MISSY? You are Missy, right?”
“Ako nga,” kulang sa interes na tugon niya dito.
“I’m Flint. I hope you still remember me. Kumanta tayo noong isang gabi, in case you forget.”
“Kamakalawa lang naman ng gabi iyon. Natatandaan ko,” matabang pa rin na sagot niya.
“Tabi tayo puwede?”
Napilitan siyang umusod ng upo. Pang-dalawampu ang sakay ng bangka. Hindi sila aandar hangga’t hindi iyon napupuno. Kung ayaw man niya itong makatabi, magkakaroon din siya ng ibang katabi.
Hindi naman sa ayaw niya dito mismo. Wala naman siyang karapatang mamili ng makakatabi niya maliban sa umarkila siya ng mas maliit na bangka para solong maghatid sa kanya pabalik sa kabayanan.
Nang makaupo ito sa tabi niya ay binuksan niya ang bag. Nagkunwa siya na may hinahanap doon. Pero alam niyang wala. Ni wala s
