“SILIP pa, baby,” may panunudyong sabi ni Flint habang nakasunod ng tingin sa kanya. “O, inom ka uli ng tubig. Baka himatayin ka diyan.”
Tumabi siya ng upo kay Flint. “Sa palagay mo, maghihintay siya talaga?”
“Di ba ganoon si Kamatayan?”
Hinampas niya nang bahagya ang balikat nito. “Kamatayan ka na naman diyan.”
Nginisihan siya nito. “Nasasaktan ka para sa kanya. Sige, iibahin ko na lang. How about Mr. H? H for Heart-breaker.”
Hindi na lang niya iyon pinatulan. “Di nga, Flint? Sa palagay mo, maghihintay nga siya?”
“Kung nakaupo siya doon at walang ginagawa, malamang nga na naghihintay siya.”
Hindi na siya nagsalita pa. Ico must be really waiting for her...
“MISSY!”
Napapitlag si Missy nang marinig ang pagtawag na iyon. Alam niyang si Ico iyon kahit hindi siya l
