LUCIFER
“Ano’ng plano mo at bigla mo na lang inimbitahan si Jade na mamasyal kasama ka at ang kaibigan mo,” sabi ko kay Hubert na kanina pa napapangiti. Nandito kami sa opisina ko dahil may importante kaming gagawin sa isang proyekto na gagawin namin. Dalawang araw na ang nakararaan nang magkita kami ni Jade at Samantha.
“Ano’ng masama? Saka wala namang magagalit dahil okay lang naman sa asawa niya na sumama sa kaibigan niya. Hindi naman ako threat sa kanilang mag-asawa. Siguro kung ikaw ang nag-aya sa kanya siguradong tatanggi iyon.” Aniya at tumawa. Sinamaan ko siya ng tingin. Ang hambog ang lalaking ito.
“Sasama ako.” Nagulat si Hubert sa sinabi ko.
“Bakit naman? Hindi ka invited, kami lang ang pupunta.” Natatawang sabi nito. Mas lalong sumama ang mukha ko. Napipikon na ako sa pa
