LUCIFER
“Tama na iyan! Hindi ito ang tamang lugar para mag-away kayong dalawa. Please stop arguing.” Saway ng babae sa dalawa. Sumama ang mukha ng boss ko sa sinabi ng babae.
“Huwag kang makikialam dito dahil wala kang karapatan. You are not my mother. Usapang mag-ama ito at hindi ka kasali dito,” galit na sabi ng boss ko.
Gulat na gulat ako sa sinabi niya. Napatingin ako sa paligid. Mabuti na lang walang nakatingin sa amin maliban sa bodyguard nang bawat panig. Kanya-kanyang usapan ang nasa ibang lamesa kaya hindi pansin ang pag-aaway ng mag-ama.
Nagkaroon ako ng interes na pakinggan ang kanilang pag-uusap. Kahit alam kong labas ako sa usapan nila.
“Huwag mong pagsalitaan ng ganyan ang asawa ko. Wala kang galang!” Tumaas ang tono ng boses ng matanda, ngunit hindi natinag ang boss
