KABANATA 51
TINA
Nakauwi na ako galing sa trabaho sa kainan pero pagdating ko sa apartment, wala pa si Blake. Alam ko naman na nasa ospital siya dahil pinapunta siya ni George pero nalulungkot pa rin ako kapag sa tuwing uuwi ako, wala pa siya. Tiningnan ko ang phone ko at ang huling text pa niya sa ‘kin ay kaninang ala-singko pa, pagkadating niya sa ospital. Nag-text ako sa kanya at tinanong ko siya kung anong oras siya uuwi pero wala siyang reply.
Dahil hindi ko alam kung anong oras siya makakauwi, naghapunan na ako mag-isa. Baka malipasan na ako ng gutom kung hihintayin ko pa siya. Nag-uwi ako ng pagkain galing sa karinderya. Fried Chicken at Chopsuey na pareho kong paborito pero nakatatlong subo lang ata ako. Hindi ko alam kung dahil sa pagod ako o wala lang akong gana dahil wala ako
