KABANATA 39
TINA
Sabado ngayon at wala akong pasok sa trabaho dahil sarado ngayon ang kainan dahil umalis si Manang Gloria para umuwi sa probinsya nila dahil may reunion ang pamilya nila. Hindi na niya kami pinapasok pero may sweldo pa rin kami. Napakabait niya talagang amo. Kahit tanghaliin ako ng gising okay lang. Ang sarap-sarap ng tulog ko nang maramdaman kong may kumikiliti sa ilong ko. Kinamot ko ‘yung ilong ko, pero hindi ako dumilat. Mayamaya, may kumiliti na naman. Kinamot ko uli nang hindi pa rin dumidilat. Sa pangatlong pagkakataon may kumiliti na naman. Pagdilat ko si Blake, nakatagilid ng higa at nakaharap ang mukha sa akin na sobrang lapit. Ngumiti siya nang makitang gising na ako. “Good morning.” Hinalikan niya ‘yung dulo ng ilong ko.
“Good morning. Ang aga mo naman at
