"JASMIN, tulog ka na ba?"
Boses ni Tascia ang narinig niya sa labas. Tumalon siya mula sa kama at mabilis na tinungo ang pinto. "Tascia," aniyang nakangiti. "Kanina ka pa ba? Nasa restroom ako," pagsisinungaling niya.
"Kaya pala ang tagal mong magbukas ng pinto. 'Eto o, utos ni Sir Gareth. Kailangan mo raw 'to para makatulog ka agad." Iniabot sa kanya ng kasambahay ang dalang isang baso ng gatas. "'Tapos ito naman, ipinaaabot niya."
"Face towels?"
"Basa daw ang likod mo kaya kailangan mo 'yan, o kaya magpalit ka daw ng pantulog. Nagtataka nga ako sa isang 'yon. Bakit alam niyang basa ang likod mo nang ganitong oras, eh, nasa magkabilang silid kayo?"
"Baka hinulaan lang, Tascia. Busy pa kasi kami ng ganitong oras dati, sa brainstorming room, naalala mo? Akin na 'yan. Thank you, ha?"
T
