DALAWANG linggo pang nanatili si Jasmin sa Rayos bago naging effective ang irrevocable resignation niya. Dalawang araw pagkatapos niyang umalis ay dumating na sa Pilipinas si Kuya Joshua.
Tulad ng maraming pagkakataong may sorpresa lagi ang kapatid tuwing nagbabakasyon, nagawa na naman siya nitong gulatin—ang pinakamatindi yatang sorpresa sa buong buhay niya. Alam iyon ni Kuya Joshua kaya nakangisi ito habang nakatitig sa gulat niyang anyo. Kaya pala nang tumawag ang kuya niya ay binanggit nitong ihanda niya ang kanyang puso sa surprise na dala nito.
Gustong-gusto talaga ni Kuya Joshua na ginugulat ang puso niya!
"What?" anang kuya niyang maluwang na maluwang ang pagkakangisi. "Tititigan mo na lang ba ang bisita mo?"
Sino ang hindi magugulat? Ang kasama lang naman ng kuya niya ay walan
