After two months
NAPATINGIN si Agnes nang makita niya si Migs. Nasa couseling siya ng mga oras na yun at dito na rin muna siya nag stay upang kahit papano ay mapadali ang kanyang paglimot sa masalimoot niyang buhay. Hindi lang naman pala siya ang nakaranas ng ganitong buhay dahil marami sila at maswerte siya dahil may pamilya siyang hindi nakakalimot sa kanya at patulouy na gumagabay sa kanya. Tulad na rin ni Migs na araw-araw siyang dinadalaw.
“Anong ginagawa mo rito?” tanong niya sa lalaki. Kung ano-ano na naman ang dala nito para sa kanya.
“Dinadalaw ka,” nakangiti nitong wika. Mabait sa kanya ang lalaki at alam niyang espesyal na rin ito sa puso niya pero sa tuwing na naaalala niya ang sinapit niya sa ama nito ay nahihiya siya sa sarili. Pakiramdam niuya ay napakarumi niyang babae.
