NATIGILAN si Camillo nang makita niya si Sandra na umakyat mula sa bakod ng bahay ng kanyang Uncle Richard. Napansin niya rin na may dala itong shot gun at sa tingin niya ay kanina pa ito nagbabantay sa lugar at naghahanap lang ng tiyempo. Hindi niya rin alam kung paano nito nalaman ang bahay ng kanyang Uncle. Tulad nila ay mukhang planado na nito ang mga kilos.
Mabilis siyang napababa ng sasakyan. Tiyak na mapapahamak lamang ito sa kanyang tiyuhing. Sinenyasan niya ang kanyang mga tauhan na sumunod sa kanya. Mula sa mataas na bakod ay inakyat nila yun upang makapasok sa bahay ni Richard. Pagpasok niya ng bakuran ay narinig niya kaagad ang mga diskusyun sa loob. Ang malalakas na boses ng tatlo. Mayat-maya pa ay nagulat siya sa palakas na sigaw ng isang babae. Hindi ‘yun pamilyar sa kanya
