NAGTATAKA si Camillo kung bakit siya gustong makausap ni Lourdes. Hindi niya na nga ito pinpuntahan sa kulungan nito dahil lalo lamang siyang maiinis pero ayun kay Agapito ay nagpupumilit daw si Lourdes na makausap siya sa hindi malaman na dahilan.
Wala siyang nagawa kundi ang puntahan ito sa kulungan. Nadatnan niya itong natutulog habang bukas ang TV nito. Bahagya niyang niyugyog ang rehas ng kulungan ng babae kung kaya napabalikwas ito ng bangon.
“Camillo!” bulalas ni Lourdes.
“Gusto mo raw akong makausap?” tanong niya sa babae.
“Oo sana at sana pakinggan mo ako. Sana ay bigyan mo ako ng pagkakataon na makabawi sayo at sa aking mga anak. Alam kong huli na pero pwede pa naman hindi ba?” wika pa sa kanya ng babae.
“At bakit mo naman naisip na bibigyan kita ng pagkakataon? Sa tingin mo
