Hindi pa man tuluyang nakakapasok sa kaniyang tahanan ay malakas nang sinuntok ni Alfred ang pader. Labis na pagkabigla naman ang naramdaman ng mga kasambahay nito nang marinig ang langitngit at malakas na reaksyong dala nang malakas na kamao ng amo.
Buong akala ng mga ito ay mananatili si Alfred sa huling gabi ng burol ng bunsong kapatid kaya naman ipinahuli nila ang pag-aayos ng mga gamit sa mansyon at mga bote ng alak na nakakalat sa tabi-tabi.
Mabilis na nagtago ang mga ito sa sulok at yumuko na lamang upang ipakita ang respeto sa amo.
Ngunit nagkatinginan na lamang ang mga ito dahil naudlot ang inaasahan nilang bulyaw at malulutong na murang matatanggap mula kay Alfred. Dinaanan lang sila nito na para bang hangin lamang ang mga tauhan sa kaniyang paligid.
They tried to greet him n
