Nasa loob na sila ng sasakyan nang muling nagsalita si Mike, "Dad, ako na lang po ang bahala dito kaya pwede po matulog muna kayo para hindi kayo mapagod sa biyahe natin. Kailangan mo rin ng pahinga dahil mamaya pag-uwi galing sa paghatid sa akin sa airport ay ikaw na naman ang magda-drive nito,” paalala ni Mike sa kanya.
“Okay, hijo ikaw na ang bahala at pipikit muna ako. Ingat lang sa pagmamaneho,” sabi nito bago pa tuluyang natulog sa kanyang kinauupuan.
Tahimik na nagmamaneho si Mike kaya binuksan na lamang niya ang music player para hindi siya aantukin sa biyahe patungong airport. Ngunit biglang nabuhay ang kanyang dugo nang pagbukas niyo ng music player ay ang kanta na pinapakinggan niya noon bago may nangyari sa kanila ni Louisse sa loob mismo ng kanyang sasakyan.
Napangiti siya
