CHAPTER eight
“D-DITO tayo magde-date?” hindi makapaniwalang tanong ni Grace habang inililibot niya ang tingin sa malawak na peryahan.
“Don’t you like it here?”sabi naman ni Mike habang hinuhubad ang suot niyang helmet. Alanganin na ang ngiti nito.
“No, gusto ko rito! Hindi lang ako makapaniwala na pumupunta ka sa ganitong lugar,” sagot niya.
Hinawakan nito ang kamay niya. “Espesyal sa akin ang peryahan. Noong maliit pa ako at nabubuhay pa si Mommy, natatandaan ko na madalas nila akong dalhin ni Daddy sa mga peryahan. Sa ganitong lugar kami nagba-bonding pagkatapos magsimba.”
“T-talaga?” Kung ganoon ay may bahagi pala ng kabataan nila na halos pareho sila. Natatandaan niyang madalas din siyang pumunta sa peryahan noon kasama ang mga magulang at kuya niya.
“Dito kasi, walang mahir
