CHAPTER seven
“INIIBIG kita.”
Nang sambitin ni Mike ang mga katagang iyon ay iyon din mismo ang nababasa ni Grace sa mga mata ng binata. Pero hindi pa rin niya maiwasang magulat. Nanlaki ang mga mata niya at napasinghap siya.
Nag-init ang sulok ng kanyang mga mata at nangilid ang kanyang mga luha. Naalala niya ang sinabi ni Mike na maaaring nagmahal na ito noon pero hindi pa ito umibig kailanman. Ibig bang sabihin niyon ay siya ang nakapasok sa puso nito at ngayon ay nagmamay-ari niyon? Naguguluhan siya. Gusto niyang paniwalaan ang bagay na iyon pero natatakot siya. Baka panaginip lang ang lahat at sa paggising niya ay bubungad sa kanya ang realidad.
“Iniibig kita, Grace. Sa lahat ng mga naramdaman ko, dito ako isandaang porsiyentong naging sigurado. They can call me a playboy but
