Lumapag ang sasakyang panghimpapawid na aming sinakyan sa isang nawasak na bayan na halatang matagal ng walang naninirahan. May isang mansiyon doon na bandang hilaga na may nakatagong mga silid raw sa ilalim ng lupa, at ito daw ang lihim na kuta ng Kartel.
"Narito tayo sa dating bansa na kung tawagin ay Gaia," paliwanag sa'kin ng matandang babae na may kulay ang buhok at kumikinang ang kasuotan. Medyo naiilang nga lang ako sa kanya dahil kung ituring niya ako ay parang anak niya ako, at hindi ako sanay sa ganun.
"Winasak din ba ng mga Bathalang Sandata ang lugar na ito, Ginang?" Nagtatakang tanong ko habang nakamasid sa paligid. Hindi rin kasi kami agad pumasok sa mansiyon dahil siniguro muna nina Asin, este Hassein na ligtas ito at hindi pa nadidiskubre ng mga kaaway.
Tumango itong nak
