Kabanata 52
NAKANGISI si Arnold nang madaanan ni Aslan sa tabing kalsada. Nasa may arko na siya papasok sa Mahinahon.
Sakay ang lalaki ng kalabaw at mukhang galing sa bukid. Magkakaumpukan ang mga ito, kasama ang ibang mga magsasaka, parang seryoso ang mga pinag-uusapan.
"Senyorito!" Anang lalaki sa kanya at lahat ay nagbigay galang nang tingnan siya.
"Arnold, may nakita ba kayong van na itim, papunta sa talon?" Pagbabakasakali ng binata sa mga tao niya.
Dinaranaan kasi ang tatlumpo't tatlong ektarya na taniman ng palay papunta sa falls, pero ang falls na iyon ay mas malayo pa sa site ng nasa isang kilometro.
"Meron, senyorito. Ang gaganda ng sakay. Bumaba pa nga si Tonyo at sinipat ang mga gulong."
"Bumalik na ba?"
"Mukhang hindi pa, senyorito. Hindi pa dumaan."
"Senyorito," anam
