PAKIRAMDAM ni Cade ay lumulobo ang ulo niya habang nakikinig siya kay Carli. Nagpunta siya sa bahay na iyon upang kausapin nang masinsinan ang papa niya pero hindi niya inaasahang maaabutan doon si Carli. Worst, hindi niya inaasahan ang mga narinig niya at naririnig pa lang niya. He felt as if he had been betrayed for so many years by his own parents.
“Naitulak niya ako nang magpunta siya sa bahay at… at nalaglag ang baby. Pero, Cade, sigurado akong hindi niya sinasadya `yon,” sabi ni Carli na gumaralgal na ang tinig.
Nanikip ang dibdib niya at napasandal sa pader. Hindi iyon ang sinabi ng mama niya noong tumawag ito sa kanya para sabihing nasa ospital si Carli. Hindi iyon ang sinabi nito nang halos magpalupasay siya sa sahig ng ospital nang sabihin sa kanya ng doktor na nawala ang baby
