One year later
MAINGAY at puno ng pananabik ang bahay ng mga Abrera sa San Jose. Halos lahat ng mga tao sa buong bayan ay nasa hardin at tumutulong. May malaking welcome party sa araw na iyon at lahat ay nagpapasalamat sa bagong mayor ng mga ito na imbitado ang lahat ng mga tao sa bayan. Lahat ng tao ay gustong makita nang personal ang dahilan ng kasiyahang iyon.
Sa lahat ng iyon ay tahimik na nakamasid si Cade, hindi rin mapakali pero ayaw masyadong ipahalata sa mga taong naroon. Kanina pa siya tingin nang tingin sa cell phone niya.
“Nasaan na siya, Mayor?” pabirong tanong ni Charlie mula sa likuran niya.
Nang bumaling siya rito ay nakita niyang kasama rin nito sina Jay at Ross na napapailing habang nakatingin sa kanya.
Mula nang manalo siyang mayor ng San Jose ay paraan na ng pa
