NAPABILIS ang pagbalik ni Carli at nang buong Wildflowers sa Amerika. Pagbalik nila roon ay pulos trabaho at rehearsals na agad ang ginawa nila. Nagpapasalamat si Carli roon dahil nakakatulong iyon upang hindi niyang maalala ang mga nangyari sa Pilipinas.
Alam niya na habang-buhay niyang pagsisisihan na pinakawalan niya si Cade kahit alam niyang gusto na nitong makipagbalikan sa kanya. Pero sa tingin niya ay hindi iyon ang tamang oras para sa kanila. Ito ang mapapasama kung aatras ito sa engagement nito pagkatapos ay babalikan agad siya. He’d be very rude to his fiancée if he did that. At makakasama iyon sa reputasyon nito na alam niyang importante rito para sa balak nitong pagpasok sa politika. Masuwerte na nga sila na ni hindi sila nabalita kahit isang beses lang sa Pilipinas. Bagay na
