Nagulat si Felicity dahil sa panginginig ng binata, napabangon siya at inilagay ang palad niya sa noo ni Easton. Sobrang init ng binata, inaapoy ito ng lagnat. Dahan-dahan siyang umalis ng sofa at nagtungo sa banyo. Kinuha ng dalaga yung maliit na planggana at nilagyan ito ng maligamgam na tubig. May kinuha siyang bote sa drawer at nilagyan ng isang patak na gamot nila sa kanilang kaharian.
Lumabas na si Felicity sa banyo dala-dala ang palanggana, agad niya itong nilapag sa mesa at kinuha yung puting bimpo para pigain. Sinimulan na ni Felicity ang pagpupunas sa katawan ng binata. Nanginginig pa rin ito humahalinghing na parang umiiyak ang binata. Kaya lalo siyang kinabahan dahil mataas ang lagnat niya.
"Ano ba kasing nakain mo at nagpaulan ka pa kanina!" Sermon niya sa binata habang pinu
