AOI’ S POV
Kinabukasan ay kaunti lamang ang ginawa ko sa opisina ni Eoghan dahil ang ibang mga bagay ay si Jack na ang nag-asikaso kung kaya pagkatapos kong pumunta sa opisina ay dumiretso na ako kaagad sa bahay upang makapagpahinga dahil balak ko kinagabihan ay pumunta sa huling lamay ng isa sa mga namatay sa aksidente. Napuntahan na ni Jack noong isang gabi ang isa sa mga ito at ako naman ang pupunta sa isa dahil mas malapit ito. Nagpabili na rin ako ng bulaklak bilang tanda ng aking pakikiramay sa namatayan. Nakakalungkot ang pangyayaring iyon at iyon lang ang aking alam na paraan upang maipaabot sa mga namatayan ang aking pakikiramay.
Alas-singko y media pa lang ay naghanda na ako dahil sa higit kalahating oras na aming magiging biyahe. Bukod sa bulaklak ay isang sobre na naglalaman
