AOI’S POV
Lumipas ang ilang araw ay nagkita na rin ang mag-amang Raymond at Jeanette. Naging maayos ang naging kalagayan ng ama at natawagan na rin ang kanilang mga kamag-anak upang ipaabot ang nangyari sa kanila. Dama ko ang pighati na nararamdaman ng ama nang marinig nito na wala na ang kanyang asawa at sa mga oras na iyon ay pinaglalamayan sa kanilang tahanan ang kanyang mahal na asawa at ilang araw na lang ay dadalhin na ito sa huling hantungan. Sa kabila ng kanilang pagdadalamhati ay nagpaabot ng pasasalamat ang ama nang malaman nito na kaming dalawa ni Eoghan ang tumulong sa kanyang anak at nag-asikaso habang siya ay wala pang malay.
Malaki din ang pasasalamat namin sa pagdating ng iba pang doktor kagaya ni Dr. Rayleigh Dela Cuadra dahil sa naging mas mabilis at epektibo ang pagga
