AOI’S POV
Halos dalawang oras pa lang ang nakalilipas ngunit tila pagod na ang aking katawan sa dami ng aming inaasikaso. Ang dapat na dalawampung katao na estimate na mapupunta sa aming Ospital ay nauwi sa mahigit sa tatlumpo dahil sa rush hour naganap ang aksidente sa kalsada. Ayon sa balitang aking nakalap, punuan ang bus dahil sa mga taong papasok sa kani-kanilang mga trabaho at eskwelahan. Tila nawalan di umano ng preno ang bus at una nitong nasagi ang dalawang sasakyan bago ito tumama sa center island kung saan ang ilan sa mga nasa gawing harapan ng bus ay naipit. Marami sa mga pasyente ang dead on arrival dahil sa tinamong sugat sa katawan kabilang na rito ang driver at kundoktor ng bus.
Kahit na pagod ay hindi namin kailangan tumigil, nadagdagan man ang mga naka-duty dahil sa pa
