AOI'S POV
Simula nang gabing iyon ay tila ba nagbago ang ihip ng hangin. Marami sa mga dati naming kaklase na humahanga kay Louisa ay napalitan ng inis at galit nang malaman ng mga ito ang mga ginawa nito sa akin.
Hindi ko alam kung dahil sa simpatya, lalo pa alam ng lahat kung ano ang nawala sa akin nang makapagtapos kami ng sekondarya, o baka marahil sa gusto nilang mapalapit sa akin dahil napakangasawa ako ng isang bilyonaryo.
Ganunpaman, kung anuman ang kanilang dahilan ay wala na akong pakialam dahil sa gabing ito, sa isang bagay lang natuon ang atensyon ko.
Ito ay kay Eoghan.
Tahimik akong napatingin sa kanya habang ito ay napakahimbing ng tulog dahil na rin sa dami ng alak na kanyang nainom kanina.
Kahit ilang beses kong isipin, patuloy pa rin akong nagpapasalamat sa ita
